某一年 一班刚刚考完会考嘅同学 约埋一齐唱K
流行曲唱到一半嘅时候
其中一位朋友问咗 隔离嗰位一个问题
喂 你估二十年后嘅今日我哋会变成一个咩人呢
二十年后 可能已经变成一个西装骨骨嘅中环人
手带劳力士 银包有好多张信用卡
放工嘅时候 就一齐喺酒吧度
一边望住个烟灰盅
一边望住隔离台嗰个女仔
睇吓佢条裙几时会走光
二十年后 大概 终于会买咗嗰部好想拥有嘅汽车
但係仲有二十几期要供
二十年嘞 应该转过好多份工
识做嘅嘢越嚟越多
但係同时发觉学识越嚟越少
喺嗰个时间 间唔中可能会去下gym
但係做嚟做去都係减唔到个肚腩
当然二十年嚟你间唔中都会谂起一段
一路都未能放低嘅感情
女朋友越嚟越多 但嘅爱嘅越嚟越少
细路哥
你得到什么
你失去什么
你知道
what are u looking for
大概喺嗰个时候 可能会有身边嘅亲人离开
而喺个阵时 你会有好多讲唔出口嘅遗憾
同时间 你会发觉 原来人生已经过咗一大半
同年 终于结婚嘞
用咗半生嘅积蓄 畀咗一层楼嘅首期
有车位 有泳池 会所
娱乐越嚟越多 但係快乐越嚟越少
两年后 可能会离婚
回复单身之后嘅一个晚上 一个人喺床上面
揸住摇控不停咁转台 食咗两粒安眠药
跟住点起支薄荷烟
然后流咗一滴 自亲人离世之后嘅眼泪
突然之间你又谂起 喺二十年前
你係一个咩人 喺嗰一晚
一大班同学约埋一齐出嚟唱K 唱到天光
仲记得喺嗰朝返到屋企嘅时候
打开门喺台面 见到有一碗屋企人留低嘅汤
碗汤 已经冻咗嘞
细路哥
你得到什么
你失去什么
你知道
what are u looking for
- 专辑：三字头
- 歌手：林海峰
- 歌曲：细路哥Ⅱ