唉呀闻、闻得妹话,话死哩,实见不安!唉妹啊妹,妹你所因何事呢,自缢悬梁?人话你死咯,思疑,我唔信讲啊,今日果然妹死去啊,实惨伤!唉妹啊妹,你死因银几十两啊,把我旧情一旦付落水茫茫,唔望与娇弹共唱,唔望、唔望叫艇、叫艇游河赏珠江,唔望、唔望八月、八月中秋同把月赏,唔望龙舟佳节共你看龙航,我话身契、身契赎返同妹你上岸,吾仲、我话应承两个月咁就带你从良,妹啊,即系怨恨几尺红罗将命丧,纵有、纵有黄金万两难以买你还阳,呢阵天跌一个落黎唔慌我想啊,人话、人话靓时唔似我妹,妹啊你靓得咁心伤!今晚夜、今晚夜月明星又朗啊,等我叫只、叫只小舟来把陆放,唉愿妹你、愿你早登仙界上慈航。
忙解缆,往江滨,又见、又见江枫渔火、渔火照住我愁人,各物摆齐兼果品,妹啊你前来鉴领、鉴领我情真!烧页纸钱将妹你、你嘅灵魂引,妹啊烧到衣裳、首饰就共金银,烧到、烧到丫环一对、妹啊来亲近,嗱你落去呢、服侍主人要小心,佢高声叫你、你要、你要低声应,切勿顽皮驳嘴啊激、激主人,烧到锁匙一大能(串),古人各物系你关心,烧到嗰盒、嗰盒胭脂和水粉,烧来两套乃系百褶罗裙,烧到锺笼鬼子台、鬼子台、与共酸枝凳,烧到刨花搽油、茶油文,烧到拣妆一个、妹啊你、照住你凛冽嘅孤魂。
烧到芽兰带,与共、与共嗰对绣花鞋,可惜花鞋绣到美丽咁精乖!妹啊芽、芽兰带、芽兰带小生亲手买,我应承两月就带妹你住埋!唉!妹呀几十两嘅纹银系你、系你、系你攞命债!咁样无辜把妹你命嘥!妹啊我话带时一定带,应承回家之后就带你埋街!我话、我话回来共妹你还通债,咁样相思无聊赖!相、相思啊无、无聊赖!妹呀妹,惨过、惨过孤舟无咗轪,点得妹啊梦魂相会共我解襟怀?!
唉烧到、烧到红罗帐、与共象牙钩,妹啊!烧来一对乃系顾绣枕头,哎呀唔望鸳鸯同、同聚首,见物思人惨把魂钩!妹啊你在啊你在黄泉曾否念旧?两家情、情爱有无付水流?烧到、烧到白铜烟带与共银縺扣,人话水烟至靓出在兰州,咁你无事可叫丫环装两口,得来阴府你要解烦愁。烧到烟枪钢托仲有雷州斗,又来烧到铰剪、烟钩,烧到灯局一盏光明透,但凡灯暗妹啊拂被都添油,我有公烟一盒原本系旧架,等你黄泉下边解烦忧,无事清闲燂两口,阴曹地府你要解烦愁。
妹啊烧到各款交你手,你谨防门户切勿被人偷,唉烧到烧衣一套唉情痴呆啊,喉咽呕,点得妹啊共你黄泉叙首?点得霎时相会妹啊在抬头?!
忙酌酒,奠过、奠过妹你粧台,妹啊你有灵有性鉴领情杯,小生为你呢真系肝胆碎!点得霎时相会我哋妹妆台!唉!哭极咁多唔见你会,莫不是你将吾情义比较呢个薄幸嘅王魁?小生为你茶饭不思情痴妹啊,妹啊我胸前一拍、生就气死在灵台!
哎呀又到艇嫂佢上前同君抹泪,叫声(白:大相啊、大相、大相啊)你咪咁悲哀,人话男子心肠多变改,唉呀,我睇君你情义确系无人陪,
蜡烛替君流血泪,你咁、你咁多情啊,等我同你揾个系靓过花魁。多情愁无多情配咩?你咁多情等我共你做媒。大相啊,你快些、抹干银泪上岸咯,老身立即棹你回。(白:咁你坐稳艇喇)
忙转艇,快如云,双桨齐摇海面奔,海阔(白:今晚风狂喎)阿大相你坐稳啊,奴奴共你细谈陈,呢我地隔离街涡有个系逢人恨,佢脚又细时满手黹针,年方二八又识书礼啊,(白:佢好靓架)诗辞歌赋件件皆能。呢因为前者有位少爷把佢婚姻问,(白:佢就唔肯喎)佢要拣多情男子正合得佢心,佢话涡——多情要拣多情衬 (白:咁话喎),多情人子佢就不拘礼银,佢话两家系真情涡,至得烟韧(白:咁话遮),男情女义合相登。” 离舟登陆咯啊(白:啊大相)你要行稳,保重要紧,保重要紧。咁就鹊桥高架,续返你嗰对有情人。
- 专辑:地水南音精选 诉衷情
- 歌手:杜焕
- 歌曲:男烧衣